|
Játtað í: 2025 Granskingarøki: Náttúruvísindi & tøkni Verkætlanarslag: Ph.d.-verkætlan Verkætlanarheiti: Endurnýtsla av útgrivnum gróti sum nýhugsandi tilfar Verkætlanarleiðari: Karin Habermehl-Cwirzen Stovnur/virki: Fróðskaparsetur Føroya Aðrir luttakarar: Dávur Johannesen, Bartal Hojgaard, Høgni Carlsson Kamban Verkætlanarskeið: 01.08.2025 - 31.07.2028 Samlaður kostnaður: Kr. 3.248.167 Stuðul úr Granskingargrunninum: Kr. 650.000 Verkætlanarlýsing: Føroyar eru treytaðar av innfluttum tilfari til byggiverkætlanir so sum vegir og bygningar. Hetta tilfarið verður flutt við skipi til Føroya. Hetta økir CO2-útlátið og ger Føroyar viðkvamar fyri veitingartrupulleikum, so sum seinkingum í flutningi. Samstundis er bert ein partur av tí basaltinum, sum verður tikið upp í sambandi við tunnilsverkætlanir í Føroyum, nýttur, og við avmarkaðum úrsliti. At brúka lokalt tilfar hevði verið bæði burðardygt og búskaparliga skilagott, men ymisk góðska á basaltinum og trupulleikar við teststandardum, sum verða nýttir til føroyskt grót, gera tað torført at gagnnýta tilfarið. Gjøgnumførd royndargransking, serliga tillagað kanningar, AI-grundað modellering og flokking fara at tryggja, at lokalt basalt kann nýtast trygt og effektivt í bygging í Føroyum. Støða: Fer í gongd << Back |
| Administration English |