|
Játtað í: 2024 Granskingarøki: Náttúruvísindi & tøkni Verkætlanarslag: Ph.d.-verkætlan Verkætlanarheiti: Umhvørvis DNA - Eitt hent amboð til stovnskanningar av uppsjóvarfiski og skráseting av hjáveiðu Játtanarnummar: 0478 Verkætlanarleiðari: Marjun á Fríðriksmørk Berbisá Stovnur/virki: Nátturuvísindadeildin á Fróðskaparsetrinum Aðrir luttakarar: Anni Eli Djurhuus, Ian Salter, Annika Nolsøe, Tórheðin Jónsveinsson Jensen Verkætlanarskeið: 01.05.2024-01.05.2027 Samlaður kostnaður: 3.616.815 DKK Stuðul úr Granskingargrunninum: 370.000 DKK Verkætlanarlýsing: Snúningspunktið í verkætlanini er at brúka umhvørvis DNA (uDNA) til at fáa gjøllari vitan um uppsjóvarfisk í føroyskum sjógvi, ið skal leggja lunnar undir einari burðardyggari góðkenning til føroysku nótaskipini. Verkætlanin er býtt í trý: 1) Menna eina mannagongd til sýnistøku av sjógvi, har uDNA verður skilt frá. Tað er alneyðugt at mannagongdin kann gerast umborð á øllum skipasløgum, ikki bert rannsóknarskipi, og at sýnini ómaksleyst kunnu takast av einumhvørjum dekkara. 2) Dáturnar frá avlisnum uDNA verða nýttar til at staðfesta ferðingarmynstur hjá uppsjóvarfiski í føroyskum sjóøkið árið runt. 3) uDNA verður nýtt til nágreiniligar staðfestingar av hjáveiðu, við sýnum úr fiskatangunum umborð á nótaskipunum. Úrslitini verða samanborin við skrásettu hjáveiðuna, tá fiskurin er landaður. Støða: Virkin << Back |
| Administration English |