|
Játtað í: 2023 Granskingarøki: Heilsuvísindi Verkætlanarslag: Verkætlan Verkætlanarheiti: Ávirkan av viðgerð við statinum á tillagingar til kropsliga venjing hjá sjúklingum í statin-viðgerð Játtanarnummar: 0360 Verkætlanarleiðari: Tórur Sjúrðarson Stovnur/virki: Deildin fyri Heilsu- og sjúkrarøktarvísindi á Fróðskaparsetrinum Aðrir luttakarar: Magni Mohr, Nicolai Baastrup Nordsborg, Steen Larsen, Sanna á Borg, Jan Rasmussen Verkætlanarskeið: 01.10.2023-01.01.2025 Samlaður kostnaður: 1.432.672 DKK Stuðul úr Granskingargrunninum: 875.000 DKK Verkætlanarlýsing: Ein nýggj føroysk kanning hevur víst, at prevalensurin av ættar-hyperkolesterolemi, ein genetisk sjúka, ið elvur til sera høgt LDL kolesterol í blóðinum, er munandi hægri í Føroyum samanborið við heimsfevnandi prevalensin. Sjúklingar við ættar-hyperkolesterolemi fáa ofta viðgerð við statinum, sum minka um LDL kolesterol í blóðinum og harvið um vandan fyri hjarta-æðra-tilburðum. Venjing kann eisini minka um LDL kolersterol í blóðinum, og kann tískil hugsast at vera ein effektiv eykaviðgerð hjá sjúklingum við ættar-hyperkolesterolemi. Gransking hevur tó víst, at viðgerð við statinum niðursetur heilsugóðu tillagingarnar til kropsliga venjing. Í hesari verkætlan fara vit at kanna eina rúgvu av venjingarviðkvæmum heilsu-markørum hjá sjúklingum við ættar-hyperkolesterolemi, sum verða tilvildarliga býttir í antin 1) venjing við statin viðgerð, 2) venjing við placebo ella 3) vanlig viðgerð við statinum eina (kontrollbólkur). Sostatt fer verkætlanin at hava fleiri týdningarmiklar úrtøkur. Verkætlanin fer at áseta í hvønn mun sjúklingar við ættar-hyperkolesterolemi fáa heilsugóðar tillagingar til kropsliga venjing. Hon fer eisini at áseta í hvønn mun statin-viðgerð ávirkar heilsugóðu tillagingarnar til kropsliga venjing, og í hvønn mun kyn hevur týdning fyri hesa ávirkanina. Hon fer til seinast at áseta týðulig tilmæli fyri ella ímóti periodisering av statin viðgerð í kombinatión við kropsliga venjing. Hesi úrslitini kunnu væntandi vera við til at skapa munadygga persónlagaða venjing hjá sjúklingum við ættar-hyperkolesterolemi. Støða: Fer í gongd << Back |
| Administration English |