Year of grant:
2020

Research Area:
Samfelag - COVID-19 verkætlan

Project type:
Verkætlan

Project title:
Pedagogisk atlit og avbjóðingar, tá skift verður frá staðbundnari til netbundna undirvísing eftir fáum døgum

Grant number:
7018

Project manager:
Erla Olsen

Institution/company:
Námsvísindadeildin, Fróðskaparsetrið

Other participants:
Laufey Båsvær, Katrin av Kák

Project period:
Planned: 01.05.2020-31.12.2020
Actual: 01.05.2020-30.06.2023

Total budget:
228.984 kr.

Grant from the FRC in DKK:
111.704 kr.

Project description:
Original
Hendan verkætlanin er knýtt at øðrum verkætlanum á Námsvísindadeildini Helst ongantíð áður hevur verið møguleiki at kanna útbúgvingarskipan okkara í eini broytingartíð í tann mun sum í hesum døgum, og hetta er nakað sum Námsvísindadeildin hevur tikið avgerð um skal gagnnýtast til at útvega so nógva vitan sum gjørligt, bæði um ta siðbundnu undirvísingina, og um netundirvísing. Hetta verður sett upp sum ein yvirskipað kanningarverkætlan, við felagsheitinum “The adaptation of the pedagogical rationale to fit into a rapid switch from onsite to online teaching”. Ætlanin er at kanna, hvussu umskiftið hevur gingist bæði á universitetsstigi, miðnámsstigi og innan fólkaskúlan. Í hesum heiti liggur, at vit kanska vænta at síggja, at í eini broytingartíð sum hesi, tá undirvísingarstovnarnir skiftu frá staðbundnari til netbundna undirvísing næstan frá degi til dags, verða tær teknisku avbjóðingarnar helst loystar fyrst, áðrenn atlit verða tikin til tær pedagogisku og didaktisku avbjóðingarnar. Á Fróðskaparsetrinum eru nakrar royndir við netundirvísing gjørdar fyrr, t.d. hevur Námsvísindadeildin roynt seg við Videofundum, har nøkur lesandi vóru í undirvísingarhølinum og onnur lesandi vóru í ymsum deplum kring landið. Hetta vísti seg ikki at rigga optimalt, tí tað var torført hjá undirvísarunum at fevna um ymsu bólkarnar, og kundu tí “gloyma” tey á netinum. Støðan nú er øðrvísi, tí nú eru øll á netinum. Tað hevur leingi verið eftirspurningur eftir fjarundirvísing, tí lesandi hava ymsar fortreytir og avbjóðingar, tað verið seg at tey búgva langt burtur, tey eru bundin at arbeiði og børnum v.m., men sum heild kann sigast, at hetta ynski hevur ikki verið gingið á møti í serligan mun, tí undirvísarar hava hildið fast í, at besta og tryggasta undirvísingin fer fram í undirvísingarhølinum, um læruúrtøkurnar skulu røkkast. Nú Korona-tiltøkini vórðu sett í verk bar til, og bæði á Fróðskaparsetrinum, á miðnáms- og í fólkaskúlunum verður undirvíst á netinum. Men hvussu verður tað gjørt, og heldur undirvísingin sama støði sum frammanundan? Endamálið við hesi verkætlan er at fylgja við gongdini, kanna hugburð, undirvísingarhættir og avbjóðingar hjá bæði næmingum/lesandi og undirvísarum. Hetta er alneyðugt at gera, tí roknast kann við, at Korona-stongsulin hevur slóðað fyri einari varðandi broyting, og at undirvísing framyvir fer at vera meira á netinum enn hon hevur verið fyrr. Serliga tí er neyðugt at kanna, hvørja ávirkan skiftið til netundirvísing hevur havt á námsfrøðina og læringarfrøðina, og harvið á góðskuna á undirvísing og læring, soleiðis at møguligar tillagingar kunnu gerast. Talan er um eina felags verkætlan á Námsvísindadeildini, sum øll starvsfólkini luttaka í – summi í størri mun enn onnur, og nøkur við somikið serstøkum fokusøki, at tey hava atknýtta verkætlan. Ætlanin er bæði at hyggja eftir hvat er gjørt innan netundirvísing fyrr, í Føroyum og at samanbera við tað sum er gjørt aðrastaðni. Í hesi umsókn verður tó bert søkt um fígging at lofta upplýsingum frá støðuni beint í løtuni, og at viðgera teir beinanvegin, soleiðis at kunningin kemur út til almenningin meðan hon enn er aktuell.

Final

Verkætlanin tók støði í einum spurnablaði við spurningum um hvussu undirvísingin undir COVID-19 stongslinum royndist sambært teimum lesandi. Dentur varð lagdur bæði á trivnað og á hvørjir undirvísingarhættir vóru nýttir, hetta tí nýggjar greiningar av dátum frá eldri kanning úr Føroyum og Íslandi bendi á eitt samband millum trivnað og hugburð til skúlan. Tey spurdu vóru lesandi á Fróðskaparsetrinum og á Glasir, og tey svaraðu spurnablaðnum á netinum. Svarini vísa, at flestu lesandi vilja heldur hava vanliga floksundirvísing. Víst varð á sosial sambond sum avgerandi fyri eitt gott læruumhvørvi. Hinvegin sóu tey lesandi eisini fyrimunir við netundirvísing, t.d. minni ferðing, og sum ein møguleiki tá ikki var gjørligt at møta á staðnum. Trivnaðurin hjá teimum lesandi varð mettur við WHO-5 Well-Being Index. Svarini hjá teimum lesandi benda á, at nýttu undirvísingarhættirnir á netinum líkist nógv teimum sum verða brúktir til vanliga floksundirvísing. Fleiri av teimum lesandi mæltu til at lærarar fáa formliga undirvísing í at undirvísa á netinum áðrenn farið verður aftur í holt við netundirvísing.

Project status:
Liðug

Project output:
Vísindaligar greinar, bøkur, ritgerðir v.m.

Frágreiðing:
Olsen, E. 2021. The effort with online learning was really appreciated but onsite learning is generally preferred – though a substantial proportion also favour blended learning, delivered by teachers who are au fait with the techniques of online learning: Short report from a survey of students at the University of the Faroe Islands regarding the experience of impact of COVID-19 restrictions in Spring 2020 and early Autumn 2020 (conducted later autumn 2020). Fróðskaparsetur Føroya (https://pure.fo/en/publications/the-effort-with-online-learning-was-really-appreciated-but-onsite)

Postari:
Olsen, E. 2022. The lack of ITC didactics through the COVID-19 restrictions. Framløga á 16. Norðurlendsku Læraraútbúgvingarráðstevnuni 3-5. mai 2022 í Tórshavn. (https://pure.fo/en/publications/the-lack-of-itc-didactics-through-the-covid-19-restrictions).

Ráðstevnuframløga & ráðstevnugrein:
Accepted manuscript: Olsen, E. (2023) Online teaching, mental well-being and learning. Frændafundur 11.



<< Back
Administration     Faroese