|
Játtað í: 2022 Granskingarøki: Arbeiðsmarknaðarkanningar Verkætlanarslag: Kanningarverkætlan Verkætlanarheiti: Arbeiðsmarknaðurin og menningartarn Játtanarnummar: 4020 Verkætlanarleiðari: Fía Petersen Stovnur/virki: Javni Aðrir luttakarar: Marjun Lutzen, Arnfríð Patel Verkætlanarskeið: 01.01.2023-30.06.2023 Samlaður kostnaður: 148.000 DKK Stuðul úr Granskingargrunninum: 148.000 DKK Verkætlanarlýsing: Hóast vit seinastu árini hava fingið fyriskipanir, ið kunnu slóða fyri einum virknum arbeiðslívi hjá fólki við skerdum arbeiðsførleika, so er okkara varhugi, at verandi skipanir ikki lofta okkara málbólki í nóg stóran mun. Okkara hugs (hypotesa) er, at pláss er fyri betringum, soleiðis at fleiri høvdu kunna komið í starv á vanliga arbeiðsmarknaðinum. Endamálið við eini møguligari kanning er tí at fáa til vega vitan, sum kann verða grundarlag fyri møguligum tillagingum av verandi skipanum, og/ella víðari gransking av økinum. Í kanningini vilja vit serliga hyggja eftir lógini um arbeiðsfremjandi tiltøk (2012), og hvussu fyriskipanir í lógini virka í praksis í mun til okkara málbólk. Vit vilja taka støði í málbólkinum, sum hevur gjøgnumført serliga skipaðu miðnámsútbúgvingina (serbreyt), sum er eitt miðnámsskúlatilboð fyri tey, ið ikki megna at taka eina miðnámsútbúgving eftir vanligum treytum. Verkevnið væntast at hava áhuga, bæði út frá einum samfelagsligum og frá einum sosialum sjónarhorni. Samfelagsliga, tí vit hava tørv á so nógvum virknum hándum á arbeiðsmarknaðinum sum gjørligt, og sosialt, tí tað at hava ein virknan og innihaldsríkan gerandisdag er ein týdningarmikil partur av lívinum hjá okkum menniskjum, við ella uttan menningartarn. Eitt størri innlit í økið hevði gagna á tann hátt, at tað kundi slóða fyri størri rúmligheit á føroyska arbeiðsmarknaðinum. Støða: Virkin << Back |
| Administration English |